WATERMELON CULTIVATION IN TELUGU||పుచ్చ సాగు విధానం

 

పుచ్చ సాగు విధానం:పుచ్చ సాగు ముఖ్యంగా వేసవికాలానికి అనువైన పంట. కానీ, ప్రస్తుత కాలంలో అన్ని కాలాలకు అనువైన రకాలు వస్తున్నందున మన రైతులు అన్ని కాలాలలోనూ సాగు చేస్తున్నారు. అయితే, ఈ పంట చెడు వాతావరణ పరిస్థితుల్లో ఎక్కువ నష్టాలను ఎదుర్కొనే అవకాశం ఉంది. విస్తీర్ణంగా సాగు చేసే రైతులు పూర్తి ప్రాంతాన్ని ఒకేసారి కాకుండా దఫాలుగా కొన్ని రోజుల వ్యత్యాసంతో విత్తనం వేయాలి. ఇలా చేయడం వల్ల మార్కెటింగ్‌కు అనుకూలంగా ఉంటుంది. ధరలను నియంత్రించలేకపోవడం వల్ల ధరల్లో వ్యత్యాసం ఉన్నప్పటికీ మొత్తంగా సగటు ధర సాధ్యమవుతుంది.

నేల తయారి :

• పుచ్చ పంట పెట్టేందుకు అనువైన నేలలు నీరు ఇంకే ఎర్ర నేలలు, నల్లరేగడి నేలలు, సారవంతమైన ఇసుక నేలలు, ఉదజని సూచిక (pH విలువ) 6-7 ఉన్న నేలలు. 
• విత్తనం వేసేముందు భూమిని 2-3 సార్లు దమ్ము చేసి, నేలమొత్తం వదులుగా ఉండేలా చేయాలి. 
• చివరి దమ్ముకు ముందు, ఎకరానికి 8-10 టన్నుల పశువుల ఎరువు, 150 కిలోల సింగిల్ సూపర్ ఫాస్ఫేట్, 25-30 కిలోల యూరియా, మ్యూరేట్ ఆఫ్ పోటాష్ వేసి, చివరి దమ్ము చేసి, భూమిని విత్తనానికి సిద్ధం చేయాలి.

విత్తుకునే విధానం:

• మన రైతులు బోదెల పద్ధతి మరియు ఎత్తు బెడ్ల పద్ధతి ఈ రెండు పద్ధతుల్లో విత్తనాలను విత్తుతారు. 
• జిగ్ జాక్ పద్ధతిని అనుసరించి, బోదే మరియు ఎత్తు బెడ్ల మధ్య 75 సెంటీమీటర్లు మరియు సాలుల మధ్య 120 సెంటీమీటర్ల దూరం ఉండేలా విత్తనాలను విత్తాలి.

సాగు యాజమాన్యం :

• మొక్క వయస్సు 25-30 రోజుల మధ్య ఉన్నపుడు, ఎకరానికి 30-32 కిలోల యూరియా (నాణ్యమైన నిత్రజనం) వేసుకోవాలి.
• మొక్క వయస్సు 55-60 రోజుల మధ్య ఉన్నపుడు, ఎకరానికి 15 కిలోల యూరియా మరియు మ్యురియేట్ ఆఫ్ పొటాష్ వేసుకోవాలి.
• మొక్కకు 3-4 ఆకులు వచ్చినపుడు, 1 లీటర్ నీటిలో 3 గ్రాముల బోరాక్స్ కలపాలి. ఇలా చేయడం వల్ల బోరాన్ లోపాన్ని పూడ్చవచ్చు. ఇది కాయలలో పగుళ్లను నివారించడంలో సహాయపడుతుంది. 
• మొక్క పూత దశలో ఉన్నపుడు, బోరాక్స్ పిచ్చికారి చేయాలి. ఇలా చేయడం వల్ల మగ పుష్పాల శాతం తగ్గి, ఆడ పుష్పాల శాతం పెరుగుతుంది.
• మొక్క ఎక్కువ పొడవుగా పెరిగినపుడు, చివరి కొమ్మలను తుంచాలి. ఇలా చేయడం వల్ల పక్కకొమ్మలు బలపడి, మొక్క గుబురుగా అభివృద్ధి చెందుతుంది. దీని వల్ల ఎక్కువ దిగుబడి పొందవచ్చు.
• పుచ్చ సాగులో మల్చింగ్ మరియు డ్రిప్ పద్ధతి ఉపయోగించడం వల్ల దిగుబడిని పెంచుకోవచ్చు. ఇది కలుపును నివారిస్తుంది, నీటి వృథాను తగ్గిస్తుంది, వేసవిలో నీటిని అందించడాన్ని సులభతరం చేస్తుంది, మరియు ఎరువులను సులభంగా అందించడాన్ని సాధ్యం చేస్తుంది. ఈ పద్ధతిలో సాగు చేయడం వల్ల కొంతవరకు ఎక్కువ దిగుబడి పొందవచ్చు.

కలుపు యాజమాన్యం:

• నాటిన 48 గంటల్లోగా 1 లీటర్ నీటికి 5 మిల్లీ పెండిమిదలిన్ కలపాలి. మల్చింగ్ పద్ధతిని ఉపయోగించడం వల్ల కలయికను కొంతవరకు సమతుల్యపరచవచ్చు.

నీటి యాజమాన్య:

• పుచ్చపంటను ఎక్కువగా వేసవిలో సాగు చేస్తారు. కాబట్టి ఈ పంటకు నీటి అవసరం ఎక్కువగా ఉంటుంది. నీటి సరఫరా సాధ్యమైనప్పుడు మాత్రమే ఈ పంటను ఎంచుకోవాలి.
•  విత్తనాలు నాటిన తర్వాత వెంటనే నీటిని అందించాలి. నేల స్వభావాన్ని బట్టి 5-7 రోజులకు ఒకసారి నేలను తేమగా ఉంచుతూ నీటిని అందించాలి.
•  పూత మరియు కాత సమయాల్లో నీటి ఒత్తిడిని తగ్గించాలి. కాయలు పండుకునే సమయంలో నీటిని తగ్గించాలి. 
• ఎక్కువ నీరు ఇస్తే కాయలు పగలవు. అలాగే కాయ రుచి మరియు నాణ్యత తగ్గుతాయి.

మొక్కలను డ్రిప్ పద్ధతితో నాటుతున్నప్పుడు, ప్రతి రోజు ఉదయం సమయంలో 20-30 నిమిషాల పాటు వాటికి నీటిని అందించాలి.

తెగుళ్ళు మరియు చీడపిడలు:

పండు ఈగ ( కాయ తొలుచు పురుగు ):

• పండు ఈగ లార్వాలు కాయలలోకి చొచ్చుకుపోయి వాటిని నాశనం చేస్తాయి. ఈ పురుగు నష్టాన్ని ముందస్తుగా నివారించడానికి, పంట పూతదశలో క్యూలూర్ ఎరలను ఏర్పాటు చేయాలి. 
• క్యూలూర్ అందుబాటులో లేకపోతే, 10 లీటర్ల నీటిలో 100 ml మలాథియాన్ మరియు 100 గ్రాముల బెల్లం కలపాలి. దీన్ని వెడల్పాటి పళ్ళెంలో పోసి, పంటలో ఎరలుగా ఉంచాలి. ఇలా చేయడం వల్ల ఈగలు కాయలను ఆశించకుండానే నివారించవచ్చు.

పంటకు హాని జరిగిన వెంటనే, 1 లీటర్ నీటికి 2 ml మలాథియాన్ లేదా 2 ml క్లోరిపైరిఫాస్ కలపడం ద్వారా నివారణ చర్యలు తీసుకోవాలి.

ఎర్ర నల్లి:

పొడి వాతావరణ పరిస్థితులలో, ఈ ఎర్రనల్లి పురుగు ఎక్కువగా ఆశిస్తుంది. దీనిని గుర్తించడం కష్టం. ఈ పురుగు, ఆకుల అడుగు బాగాన్ని దాడిస్తూ, రసాన్ని లాగేస్తుంది, దీనివల్ల పంటకు నష్టం జరుగుతుంది. దీని నివారణ కోసం, 1 లీటర్ నీటికి 1.5 ml స్పెరోమేసిఫిన్ లేదా 3 ml ప్రోపర్ గైడ్ను కలపడం ద్వారా పిచికారి చేసుకోవాలి.

తామర పురుగు:

తామర పురుగు ఆకులను ముడతలుగా మార్చి, పసుపు రంగుకు మార్చి, మొక్క ఎదుగుదలను తగ్గించుకుంటుంది. ఈ సమస్యను పరిష్కరించడానికి, 1 లీటర్ నీటికి 2 ml ఫిప్రోనిల్ కలపి పిచికారి చేయాలి.